Á forsíðu
Þingmál
Þingmenn
Þingfundir
Ræður
Lagasafn
Þingnefndir
Alþjóðastarf
Bein útsending


Næst í nærmynd
Albertína Friðbjörg Elíasdóttir
10. þm. NA, Sf, AFE
Albertína Friðbjörg Elíasdóttir

   
Ögmundur Jónasson

Ögmundur Jónasson

Fæddur í Reykjavík 17. júlí 1948. Foreldrar: Jónas B. Jónsson (fæddur 8. apríl 1908, dáinn 1. apríl 2005) fræðslustjóri og Guðrún Ö. Stephensen (fædd 30. október 1914, dáin 11. janúar 2011) húsmóðir. Maki (2. ágúst 1974): Valgerður Andrésdóttir (fædd 12. janúar 1949) erfðafræðingur. Foreldrar: Andrés Björnsson og Margrét Helga Vilhjálmsdóttir. Börn: Andrés (1974), Guðrún (1979), Margrét Helga (1981).

Stúdentspróf MR 1969. MA-próf í sagnfræði og stjórnmálafræði Edinborgarháskóla, Skotlandi, 1974.

Kennari við grunnskóla Reykjavíkur 1971-1972. Rannsóknir við Edinborgarháskóla og ýmis hlutastörf 1974-1978. Fréttamaður Ríkisútvarpsins, hljóðvarps og síðan sjónvarps, 1978-1988, í Kaupmannahöfn 1986-1988. Stundakennari við Háskóla Íslands síðan 1979. Formaður BSRB 1988-2009. Heilbrigðisráðherra 1. febrúar til 1. október 2009, dómsmála- og mannréttindaráðherra og samgöngu- og sveitarstjórnarráðherra 2. september 2010 til 31. desember 2010. Innanríkisráðherra 1. janúar 2011, lausn 28. apríl 2013 en gegndi störfum til 23. maí 2013.

Alþingismaður Reykvíkinga 1995-2003 (Alþýðubandalagið og óháðir, þingflokkur óháðra, Vinstrihreyfingin - grænt framboð), alþingismaður Reykjavíkurkjördæmis suður 2003-2007, alþingismaður Suðvesturkjördæmis 2007-2016 (Vinstrihreyfingin - grænt framboð).

Heilbrigðisráðherra 2009, dómsmála- og mannréttindaráðherra og samgöngu- og sveitarstjórnarráðherra 2010, innanríkisráðherra 2011-2013.

Formaður þingflokks óháðra 1998-1999. Formaður þingflokks Vinstrihreyfingarinnar - græns framboðs 1999-2009.

Allsherjarnefnd 1995-1997, 1998-1999 og 2010, heilbrigðis- og trygginganefnd 1995-1996, félagsmálanefnd 1997-1998, kjörbréfanefnd 1999-2007, sérnefnd um stjórnarskrármál 1999-2003, 2004 og 2005-2007, efnahags- og viðskiptanefnd 1999-2007, efnahags- og skattanefnd 2007-2009 og 2009-2010, félags- og tryggingamálanefnd 2007-2009 og 2010, sjávarútvegs- og landbúnaðarnefnd 2009-2010, umhverfisnefnd 2009-2010, utanríkismálanefnd 2009-2010, stjórnskipunar- og eftirlitsnefnd 2013-2016 (formaður).

Íslandsdeild þingmannanefndar EFTA 1999-2003, Íslandsdeild Evrópuráðsþingsins 2013-2016.



Síðast breytt 30.11.2017.





Þingmenn í stafrófsröð

Skammstafanir í æviágripum



Öllum fyrirspurnum, ábendingum og tillögum um
vef Alþingis skal beint til ritstjóra vefs Alþingis.