Árni Páll Árnason

Fæddur í Reykjavík 23. maí 1966. Foreldrar: Árni Pálsson (fæddur 9. júní 1927, dáinn 16. september 2016) sóknarprestur og Rósa Björk Þorbjarnardóttir (fædd 30. mars 1931) kennari og endurmenntunarstjóri KHÍ. Maki: Sigrún Eyjólfsdóttir (fædd 2. ágúst 1968) flugfreyja. Foreldrar: Eyjólfur Matthíasson og Steinunn Káradóttir. Sonur: Friðrik Björn (1993). Dóttir Árna Páls og Bergdísar Lindu Kjartansdóttur: Bylgja (1984). Stjúpsonur, sonur Sigrúnar: Eyjólfur Steinar (1990).

Stúdentspróf MH 1985. Lögfræðipróf HÍ 1991. Nám í Evrópurétti við Collège d’Europe í Brugge í Belgíu 1991-1992. Hdl. 1997. Sumarnám í Evrópurétti við Harvard Law School / European University Institute í Flórens 1999.

Stundakennsla við Menntaskólann við Hamrahlíð 1988-1992. Ráðgjafi utanríkisráðherra í Evrópumálum 1992-1994. Embættismaður á viðskiptaskrifstofu og varnarmálaskrifstofu utanríkisráðuneytisins 1994-1995. Sendiráðsritari í fastanefnd Íslands hjá Atlantshafsbandalaginu og Vestur-Evrópusambandinu í Brussel og fulltrúi Íslands í stjórnmálanefnd Atlantshafsbandalagsins 1995-1998. Lögmaður með eigin rekstur og ráðgjafi 1998-2007. Stundakennari í Evrópurétti við Háskólann í Reykjavík 2004-2009. Félags- og tryggingamálaráðherra 10. maí 2009 til 2. september 2010, efnahags- og viðskiptaráðherra 2. september 2010 til 31. desember 2011.

Í ráðgjafarnefnd um opinberar eftirlitsreglur 1999-2009. Í yfirkjörstjórn Reykjavíkurkjördæmis norður 2000-2007. Í bankaráði Búnaðarbankans 2001-2003. Starfsmaður ráðherraskipaðra nefnda, m.a. nefndar um endurskipulagningu utanríkisþjónustunnar 2004 og nefndar um fjármál stjórnmálaflokkanna 2005-2006. Í stjórn Evrópuréttarstofnunar Háskólans í Reykjavík 2004-2009. Í miðstjórn og framkvæmdastjórn Alþýðubandalagsins 1987-1989. Oddviti Æskulýðsfylkingar Alþýðubandalagsins 1989-1991. Í stjórn Birtingar 1989-1991. Formaður Samfylkingarinnar 2013-2016.

Alþingismaður Suðvesturkjördæmis 2007-2016 (Samfylkingin).

Félags- og tryggingamálaráðherra 2009-2010, efnahags- og viðskiptaráðherra 2010-2011.

Heilbrigðis- og trygginganefnd 2007, heilbrigðisnefnd 2007-2009, utanríkismálanefnd 2007-2009 (varaformaður) og 2012-2013, viðskiptanefnd 2007-2009, allsherjarnefnd 2009 (formaður), menntamálanefnd 2009, efnahags- og viðskiptanefnd 2013-2015, stjórnskipunar- og eftirlitsnefnd 2015-2016.

Íslandsdeild Norðurlandaráðs 2007-2009 (formaður), Íslandsdeild Alþjóðaþingmannasambandsins 2012-2013, Íslandsdeild þingmannanefnda EFTA og EES 2013-2016, þingmannanefnd Íslands og ESB 2013–2016.