Birgir Þórarinsson
Nefndasetur:
- Atvinnuveganefnd - 2. varaformaður
- Utanríkismálanefnd
- Íslandsdeild Evrópuráðsþingsins
- Íslandsdeild þings Öryggis- og samvinnustofnunar Evrópu - formaður
Þingstörf og hagsmunaskrá
Þingseta
Alþingismaður Suðurkjördæmis síðan 2017 (Miðflokkurinn, Sjálfstæðisflokkur).
Varaþingmaður Suðurkjördæmis október–nóvember 2010 og október 2012 (Framsóknarflokkur).
Æviágrip
Fæddur í Keflavík 23. júní 1965. Foreldrar: Þórarinn Brynjólfsson (fæddur 23. ágúst 1931, dáinn 27. maí 2005) bifreiðarstjóri og Jóhanna Ragna Magnúsdóttir (fædd 1. febrúar 1937) húsmóðir. Maki: Anna Rut Sverrisdóttir (fædd 24. október 1966) ljósmóðir og hjúkrunarfræðingur. Foreldrar: Sverrir H. Halldórsson og Dýrunn Steindórsdóttir. Börn: Sverrir (1990), Þórarinn (1995), Hjalti (2005).
Stúdentspróf Fjölbrautaskóla Suðurnesja 1986. BA-próf í guðfræði HÍ 2002. Diplóma í opinberri stjórnsýslu og stjórnun EHÍ 2003. Meistarapróf í alþjóðasamskiptum og utanríkisþjónustu (MIS) frá School of International Service, American University, Washington DC, 2006.
Lögreglumaður á Keflavíkurflugvelli sumrin 1986–1990 og slökkviliðsmaður þar sumrin 1991–1996. Stjórnandi samskiptasviðs Slökkviliðsins á Keflavíkurflugvelli 1997–2005. Í bæjarstjórn sveitarfélagsins Voga 2002–2005. Ráðgjafi á sölu- og markaðssviði SPRON 2007–2009. Starfsmaður utanríkisráðuneytisins 2011. Rak eigin ferðaþjónustu 2012–2014. Starfaði hjá Sameinuðu þjóðunum við yfirstjórn UNRWA, Palestínuflóttamannaaðstoð Sameinuðu þjóðanna, í Miðausturlöndum 2014–2016.
Stofnandi og í stjórn leikfélags FS, Vox Arena, 1983–1986. Stofnandi og formaður Málfundafélags FS 1983–1986. Í stjórn kristilega stúdentafélagsins KSF 1996–1997. Formaður Minja- og sögufélags Vatnsleysustrandar 2003–2014. Í miðstjórn og í landsstjórn Framsóknarflokksins 2007–2013. Formaður kjördæmasambands framsóknarfélaganna í Suðurkjördæmi 2007–2011.
Alþingismaður Suðurkjördæmis síðan 2017 (Miðflokkurinn, Sjálfstæðisflokkur).
Varaþingmaður Suðurkjördæmis október–nóvember 2010 og október 2012 (Framsóknarflokkur).
Kjörbréfanefnd 2017, fjárlaganefnd 2017–2021, allsherjar- og menntamálanefnd 2021–2024, utanríkismálanefnd 2021–, atvinnuveganefnd 2024–.
Íslandsdeild Evrópuráðsþingsins 2021–, Íslandsdeild þings Öryggis- og samvinnustofnunar Evrópu 2023– (formaður 2023–).
Æviágripi síðast breytt 26. janúar 2024.
