Líneik Anna Sævarsdóttir

Líneik Anna Sævarsdóttir
  • Kjördæmi: Norðausturkjördæmi
  • Þingflokkur: Framsóknarflokkur

Þingseta

Alþingismaður Norðausturkjördæmis 2013–2016 og síðan 2017 (Framsóknarflokkur).

Varaþingmaður Norðausturkjördæmis maí 2017 (Framsóknarflokkur).

Æviágrip

Fædd í Reykjavík 3. nóvember 1964. Foreldrar: Sævar Sigbjarnarson (fæddur 27. febrúar 1932) bóndi og Ása Hafliðadóttir (fædd 28. september 1941, dáin 8. nóvember 1998) bóndi og húsmóðir. Maki: Magnús Björn Ásgrímsson (fæddur 6. september 1963) bræðslustjóri. Foreldrar: Ásgrímur Ingi Jónsson og Ásta Magnúsdóttir. Börn: Ásta Hlín (1989), Inga Sæbjörg (1991), Ásgeir Páll (2000), Jón Bragi (2000).

Stúdentspróf ME 1985. BS–próf í líffræði HÍ 1989. Próf í uppeldis- og kennslufræði HÍ 1991. Nám í svæðisleiðsögn 2006.

Ýmis tímabundin störf við kennslu og rannsóknir 1989–1993. Endurmenntunarstjóri við Bændaskólann á Hvanneyri 1993–1996. Verkefnisstjóri samstarfsnefndar framhaldsskóla á Austurlandi 1998–2000. Starfaði við endurmenntunardeild Landbúnaðarháskólans á Hvanneyri 1998–2002. Framkvæmdastjóri Fræðslunets Austurlands 2002–2004. Kennari við Grunnskóla Fáskrúðsfjarðar 2004–2006. Skólastjóri Grunnskóla Fáskrúðsfjarðar 2006–2013. Verkefnastjóri hjá Austurbrú 2017.

Í stjórn Náttúrustofu Austurlands frá 1998, þar af formaður 1998–2014. Í sveitarstjórn Búðahrepps og Austurbyggðar 1998–2006. Í stjórn Sambands sveitarfélaga á Austurlandi 1999–2002. Í skólanefnd Verkmenntaskóla Austurlands 2007–2013. Formaður stjórnar Framsóknarfélags Fjarðabyggðar 2007–2013. Í stjórn Tónlistarmiðstöðvar Austurlands frá 2014. Formaður Hollvinasamtaka Hjaltalundar frá 2016.

Alþingismaður Norðausturkjördæmis 2013–2016 og síðan 2017 (Framsóknarflokkur).

Varaþingmaður Norðausturkjördæmis maí 2017 (Framsóknarflokkur).

Allsherjar- og menntamálanefnd 2013–2016, efnahags- og viðskiptanefnd 2013–2016, stjórnskipunar- og eftirlitsnefnd 2017–, umhverfis- og samgöngunefnd 2017–.

Íslandsdeild þingmannaráðstefnunnar um norðurskautsmál 2013–2016 og 2017–.

Æviágripi síðast breytt 15. desember 2017.