Bergþór Ólason

Bergþór Ólason
  • Embætti: Varaformaður þingflokks
  • Kjördæmi: Norðvesturkjördæmi
  • Þingflokkur: Miðflokkurinn

Þingseta

Alþingismaður Norðvesturkjördæmis síðan 2017 (Miðflokkurinn).

Æviágrip

Fæddur á Akranesi 26. september 1975. Foreldrar: Óli Jón Gunnarsson (fæddur 7. júlí 1949) byggingatæknifræðingur, fyrrverandi bæjarstjóri og framkvæmdastjóri og Ósk Bergþórsdóttir (fædd 1. september 1948) loftskeytamaður og húsmóðir. Dóttir Bergþórs og Jennifer Flume: Lotta Ósk (2016).

Stúdentspróf FVA. BS-próf í viðskiptafræði frá HÍ. Stundaði framhaldsnám í stjórnun við Manchester Business School.

Aðstoðarmaður samgönguráðherra 2003–2006. Ýmis ráðgjafarstörf 2006–2009 ásamt því að sitja í stjórnum fyrirtækja og stofnana á árunum 2003–2017. Starfsmaður Kaupþings 2007–2008. Framkvæmdastjóri Loftorku í Borgarnesi og þar á undan fjármálastjóri félagsins 2009–2016.

Stjórnarmaður í Sambandi ungra Sjálfstæðismanna 1999–2005. Í skólanefnd Fjölbrautaskóla Vesturlands á Akranesi 2003–2007. Ritstjóri Framtaks 2006–2010. Formaður stjórnar Byggðasafnsins í Görðum 2006–2010.

Alþingismaður Norðvesturkjördæmis síðan 2017 (Miðflokkurinn).

Umhverfis- og samgöngunefnd 2017– (formaður 2017–).

Íslandsdeild Evrópuráðsþingsins 2017–.

Æviágripi síðast breytt 13. júní 2018.