Magnús Torfi Ólafsson

Magnús Torfi Ólafsson

Þingseta

Alþingismaður Reykvíkinga 1971–1974, landskjörinn alþingismaður 1974–1978 (Samtök frjálslyndra og vinstri manna).

Menntamálaráðherra 1971–1974, jafnframt félagsmála- og samgönguráðherra 1974.

1. varaforseti neðri deildar 1974–1978.

Minningarorð

Æviágrip

Fæddur á Lambavatni á Rauðasandi 5. maí 1923, dáinn 3. nóvember 1998. Foreldrar: Ólafur Sveinsson (fæddur 4. júlí 1882, dáinn 28. ágúst 1969) bóndi þar og kona hans Halldóra Guðbjört Torfadóttir (fædd 3. september 1884, dáin 31. ágúst 1928) húsmóðir. Maki (2. mars 1946): Hinrika Kristjana Kristjánsdóttir (fædd 23. ágúst 1920, dáin 22. mars 2010) hjúkrunarkona. Foreldrar: Kristján Þórðarson og kona hans Sigurlína Kolbeinsdóttir. Börn: Ingimundur Tryggvi (1946), Halldóra Guðbjört (1948), Sveinn Eyjólfur (1952).

Stúdentspróf MA 1944.

Blaðamaður við Þjóðviljann 1945–1962, lengst fréttastjóri erlendra frétta, ritstjóri 1959–1962. Deildarstjóri í Bókabúð Máls og menningar í Reykjavík 1963–1971. Skipaður 14. júlí 1971 menntamálaráðherra og 6. maí 1974 félagsmála- og samgönguráðherra, lausn 2. júlí 1974, en gegndi störfum til 28. ágúst; fór jafnframt með Hagstofu Íslands. Blaðafulltrúi ríkisstjórnarinnar 1978–1989.

Formaður Alþýðubandalagsins í Reykjavík 1966–1967. Átti sæti í menntamálaráði 1967–1971. Formaður Samtaka frjálslyndra og vinstri manna 1974–1982. Formaður sendinefndar Íslands á umhverfismálaráðstefnu Sameinuðu þjóðanna 1972. Sat á allsherjarþingi Sameinuðu þjóðanna 1974 og 1975. Í sendinefnd Íslands á hafréttarráðstefnu Sameinuðu þjóðanna 1976, 1977 og 1978. Formaður stjórnar Þjóðhátíðarsjóðs 1986–1994. Í stjórnarskrárnefnd frá 1986.

Alþingismaður Reykvíkinga 1971–1974, landskjörinn alþingismaður 1974–1978 (Samtök frjálslyndra og vinstri manna).

Menntamálaráðherra 1971–1974, jafnframt félagsmála- og samgönguráðherra 1974.

1. varaforseti neðri deildar 1974–1978.

Ritstjóri: Þjóðviljinn (1959–1962). Vinnan (Afmælishefti 1966).

Æviágripi síðast breytt 29. febrúar 2016.