Eva Pandora Baldursdóttir
Þingseta
Alþingismaður Norðvesturkjördæmis 2016–2017 (Píratar).
Æviágrip
Fædd á Sauðárkróki 8. október 1990. Foreldrar: Baldur Haraldsson (fæddur 25. maí 1962) múrarameistari og Pimpan Ushuwathana (fædd 17. mars 1958) húsmóðir. Maki: Daníel Valgeir Stefánsson (fæddur 4. apríl 1988) nemi. Foreldrar: Stefán Valdimar Stefánsson og Árný Þóra Árnadóttir. Dóttir: Árney María (2016).
Stúdentspróf frá Fjölbrautaskóla Norðurlands vestra 2010. B.Sc.-próf. í viðskiptafræði frá HÍ 2013. Framhaldsnám í menningarstjórnun við Háskólann á Bifröst 2014–2015. Stundar framhaldsnám í opinberri stjórnsýslu við HÍ.
Viðskiptafræðingur hjá Fjárvakri 2012–2015. Skipuleggjandi ferða hjá Iceland Travel 2015–2016. Viðskiptafræðingur hjá KPMG 2016.
Formaður nemendafélags Fjölbrautaskóla Norðurlands vestra 2009–2010. Í samráðsnefnd um veiðigjöld síðan 2017.
Alþingismaður Norðvesturkjördæmis 2016–2017 (Píratar).
Efnahags- og viðskiptanefnd 2016, atvinnuveganefnd 2017, stjórnskipunar- og eftirlitsnefnd 2017.
Æviágripi síðast breytt 30. október 2017.
