131. löggjafarþing — 40. fundur, 26. nóv. 2004.
Fjárlög 2005.
1. mál
[10:53]
Gunnar Birgisson (S):
Virðulegi forseti. Hér liggur fyrir tillaga um að auka fjölda fólks á lista um heiðurslaun listamanna um tvo og hækkunin verði 3,2 millj. kr.
Hér er verið að greiða atkvæði um glæsileg fjárlög, fjárlög með 10 milljarða kr. afgangi meðan Evrópuþjóðirnar í kringum okkur afgreiða með 1–4% halla af (Gripið fram í.) landsframleiðslu sem mundi þýða 10 og upp í 30 eða 40 milljarða kr. halla hér. En hér er efnahagsstjórnin mjög styrk og hér er líka verið að greiða atkvæði um skattalækkanir í framtíðinni meðan (Gripið fram í.) stjórnarandstaðan greiðir atkvæði á móti þeim.
