Skipan ferðamála.

Virðulegur forseti. Ég þakka hv. þingmönnum fyrir undirtektir undir frumvarpið og tel að þær umræður sem hér hafa orðið séu góður aðdragandi þeirrar vinnu sem nauðsynlegt er að fari fram í hv. samgöngunefnd.

Ég vil sérstaklega taka undir þá greiningu sem hv. þm. Hjálmar Árnason viðhafði í lokin og tel að sú sýn sem fram kom af hans hálfu sé rétt um þau mikilvægu viðfangsefni sem Ferðamálastofu eru ætluð og aðkomu fulltrúa greinarinnar í ferðamálaráði.

Að lokum þakka ég hv. þingmönnum fyrir mjög málefnalegar umræður og góðar ábendingar sem hv. samgöngunefnd mun væntanlega fara rækilega yfir þegar nefndin fær frumvarpið til meðferðar.