132. löggjafarþing — 47. fundur, 20. jan. 2006.
Kjaradómur og kjaranefnd.
417. mál
Hæstv. forseti. Niðurstaða okkar í stjórnarandstöðunni var sú að leggja til að engin hækkun komi á laun þeirra sem Kjaradómur felldi úrskurð um á því tímabili sem við leggjum til að stöðvunin vari. Á því tímabili verði hins vegar unnið nýtt lagafrumvarp um Kjaradóm og á grundvelli þeirra laga kveði Kjaradómur síðan upp þann dóm sem samrýmist því sem við höfum orðið sammála um við nýja lagasetningu.