Framhald umræðu um frumvarp til vatnalaga.

Það eru nokkuð margir hv. þingmenn sem vilja ræða um fundarstjórn forseta en af þessu tilefni vill forseti rifja það upp að hún sá einhvern tímann ummæli í þingtíðindum þar sem forseti hafði einmitt verið að grennslast eftir því við þingmanninn hvenær hann héldi að hann lyki ræðu sinni. Þá sagði þingmaðurinn eitthvað á þá leið: Ja, frú forseti, ég get eiginlega ekki sagt til um það hve mikið er eftir af ræðu minni fyrr en hún er búin.