133. löggjafarþing — 35. fundur, 24. nóv. 2006.
stofnun opinbers hlutafélags um Lánasjóð sveitarfélaga.
347. mál
Frú forseti. Ég vona að hv. þingmaður geri sér grein fyrir að sjóðurinn starfar í dag, það er ekki verið að mynda hann, ég ætla að vona að hann geri sér grein fyrir því.
Það sem við erum að gera núna er að skerpa á eignarhaldinu. Ég er hlynntur því en ég er á móti sjóðnum sem slíkum. Ekki er verið að tala um að leggja hann niður eða stofna hann eða gera eitthvað slíkt, heldur er verið að skerpa á eignarhaldinu og ég er mjög hlynntur því.