ríkisábyrgð á lántöku Tryggingarsjóðs innstæðueigenda og fjárfesta.

Virðulegi forseti. Ég vil þakka frú forseta fyrir að hafa orðið við tilmælum okkar um að reyna að hreyfa við hæstv. forsætisráðherra, að fá hana hingað í hús. Það er gott framtak. En það er einn hæstv. ráðherra sem ég hef saknað mjög í þessari umræðu og það er sá hæstv. ráðherra sem hefur tjáð sig hvað fjálglegast um hvað gerist ef Icesave-ósóminn verður ekki samþykktur. Ég man ekki hvort það var hann eða kollegi hans úr háskólanum sem sagði að Ísland mundi breytast í Kúbu norðursins eða Norður-Kóreu norðursins, ég man ekki hvort það var. En ég vil mælast til þess að hvort þú beitir þér náðarsamlegast fyrir því (Forseti hringir.) að efnahags- og viðskiptaráðherra verði viðstaddur eitthvað af (Forseti hringir.) þessari umræðu hér í kvöld.