fjárlög 2010.
Hæstv. forseti. Varðandi ófagleg vinnubrögð. Ég tel að heilbrigðisnefnd og ríkisstjórnin hafi einmitt með þessum flutningi til baka sýnt fagleg vinnubrögð, að frá því að frumvarpið var lagt fram núna í haust og unnið var að því frá því í sumar þá hefur þetta komið fram. Ég kalla það ekki ófagleg vinnubrögð að viðurkenna það að taka þurfi skrefin hægar en í upphafi var ætlað, það kalla ég ekki ófagleg vinnubrögð.
Hvað varðar skiptinguna þá hljóp ég yfir það í fljótu máli áðan.
En Ás, hvers vegna er Ás eftir hjá félagsmálaráðuneytinu? Þar er verið að breyta mjög miklu í uppbyggingu starfseminnar og færa hana meira út fyrir stofnunina. Ég vil minna á að hæstv. heilbrigðisráðherra hefur faglega ábyrgð á heilbrigðisþjónustunni á þessum stofnunum og hún hverfur ekki þó svo að fjárhagslegt … (Gripið fram í: MS?) MS, (Forseti hringir.) litið er á það meira sem félagslegt (Forseti hringir.) öryggi heldur en meðferð sjúklinga.