skipting ríkisútgjalda milli höfuðborgarsvæðis og landsbyggðar.

Forseti. Ég hef miklar efasemdir um að verja skattfé til að gera þessa skýrslu. Ég hef efasemdir um rannsóknaraðferðina og um rannsóknarefnið. Hér er talað um landsbyggð og hún er tekin í einu lagi, bæði Akureyri og Trékyllisvík, og hér á að huga að fjárveitingum, að útgjöldum en ekki tekjum. Það á ekki að taka skattinn inn í dæmið sem borgaður er á hinni svokölluðu landsbyggð og hinni svokölluðu höfuðborg.

Ég get ekki stutt þessa skýrslubeiðni en ég er í góðu skapi í dag og hef ákveðið að greiða fyrir þingstörfum með því að leggjast ekki gegn henni.