skipun stjórnlagaráðs.

Virðulegur forseti. Í síðara andsvari mínu vil ég líka gera athugasemd við þá ítrekuðu gagnrýni sem fram hefur komið í máli hv. þingmanns og fleiri að niðurstaða í kosningu til stjórnlagaþings hafi falið í sér einhvers konar sigur fyrir þá sem hefðu mætt í Silfur Egils eða það væru bara þekktir einstaklingar sem þarna hefðu náð kjöri. En ekki hvað? Bjuggust menn við því að kosinn yrði hópur fólks sem hefði farið huldu höfði í samfélaginu og hvergi látið til sín taka í þjóðfélagsumræðum? Það er mjög undarlegur málflutningur sem hefur verið hafður uppi í þessum efnum.

Að sjálfsögðu er það svo að þeir sem hafa tekið þátt í þjóðfélagsumræðunni eru kjörnir til trúnaðarstarfa í þessum efnum. Í þessu tilfelli er það svo að það er þingið sem ákveður að líta til niðurstöðu þessara kosninga þegar það velur í stjórnlagaráðið sem við fjöllum hér um.