139. löggjafarþing — 166. fundur, 17. sept. 2011.
húsnæðismál.
100. mál
Virðulegi forseti. Ég talaði í gær um örstutt auðnuspor í þá átt að afnema verðtrygginguna. Það eru mörg stærri og fleiri spor í þá átt sem verður að taka til að ná lokatakmarkinu en þetta er spor í rétta átt. Vissulega verður að huga að ýmsu í þeim efnum, m.a. öflugri upplýsingagjöf, en lokatakmarkið í mínum huga er skýrt: Það er afnám verðtryggingar og að koma böndum á þær vaxtabyrðar sem lánsfjármagn býr við.