143. löggjafarþing — 40. fundur, 18. des. 2013.
fjárlög 2014.
1. mál
Virðulegi forseti. Eins og hefur komið fram er áherslan í fjárlagafrumvarpinu á að hagræða í þágu heilbrigðisþjónustunnar. Það er ekki sannfærandi málflutningur af hv. stjórnarandstöðu að segja að þar með sé verið að taka af þeim sem minnst mega sín í þjóðfélaginu.
Þessar tillögur gera ráð fyrir því að við hækkum skatta á launafólk og hækkum launaskatta og svo sannarlega gera þessar tillögur ráð fyrir því að skattleggja sérstaklega hinar dreifðu byggðir. Ég segi nei.