umsókn Íslands um aðild að Evrópusambandinu dregin til baka.
Virðulegur forseti. Ég vil enn mótmæla því að hér sé haldinn næturfundur um mál sem ekkert liggur á. Hæstv. utanríkisráðherra hefur farið í fjölmiðla og sagt að ekkert liggi á málinu. Hvernig stendur á því að okkur er haldið á næturfundi ef ekkert liggur á málinu? Hver er skýringin, virðulegur forseti? Við hljótum að eiga heimtingu á því að fá að vita hana.
Hæstv. mennta- og menningarmálaráðherra er kominn í hús og ég geri ráð fyrir að hann fari á mælendaskrá. Ég er mjög seint á mælendaskrá og vil spyrja hæstv. forseta: Ef það er virkilega meiningin að halda áfram, og ég vona sannarlega að svo sé ekki, hversu lengi á að halda áfram? Hvenær getur sá sem er síðastur á mælendaskrá gert ráð fyrir því að hann komist að ef tæma á mælendaskrá hér í nótt? (Forseti hringir.)
