frestun verkfallsaðgerða á Herjólfi VE.
Virðulegur forseti. Ég vil nota tækifærið hér við lok umræðunnar til að þakka þingheimi fyrir að taka þetta mál á dagskrá í dag. Ég þakka meiri hluta jafnt sem minni hluta, ég hef átt gott samstarf við forustumenn allra stjórnmálaflokka vegna málsins. Það er auðvitað aldrei ánægjuefni, þvert á móti, að þurfa að blanda sér með þeim hætti sem við höfum gert í dag inn í deilur sem við viljum svo gjarnan að séu leystar í formi frjálsra samninga.
En almannahagsmunir kröfðust þess að gengið yrði til þessa verks og ég vil fyrst og síðast þakka þingheimi fyrir samstarfið hvað það varðar.