144. löggjafarþing — 110. fundur,  21. maí 2015.

áætlun um vernd og orkunýtingu landsvæða.

244. mál
[22:53]
Horfa

Jón Þór Ólafsson (P) (um fundarstjórn):

Frú forseti. Þessi hugmynd um það að málþóf sé kerfislægt vandamál sem er hægt að leysa með því að þjóðin fái málskotsréttinn til sín hlýtur góðar undirtektir. Ég er með moggablogg þar sem ég get alltaf fylgst með hversu margar IP-tölur eru skráðar inn, hvað það eru margir sem skrá sig inn, og hvað það koma mörg „like“ og þumalputtaregla er að ef maður fær kannski 10 like á móti 100 IP-tölum þá er einhver meðbyr þar. Á blogginu mínu, fólk getur farið á jonthorolafsson.blog.is, er mjög vel tekið í þessa hugmynd og fólk er farið að skilja að þetta er kerfislægt vandamál, alveg óháð því hverjir eru í minni hluta hverju sinni. Og það eru til lausnir sem geta gert stjórnmálamenningu á Íslandi miklu betri og á sama tíma innleitt fyrsta skrefið að beinu lýðræði og fært okkur aðeins inn í 21. öldina, (Forseti hringir.) og ein er að þjóðin sjálf fái málskotsréttinn til sín, þannig að ef Alþingi samþykkir eitthvað sem þjóðin er ósátt við þá getur þjóðin stöðvað það.