viðbótareftirlit með fjármálasamsteypum.

Virðulegi forseti. Ég sagði vissulega að ég byggist við að kostnaðurinn yrði lítill vegna þess að það falla engin fyrirtæki undir þetta núna. En það má benda á að auðvitað er almenn heimild til gjaldtöku af eftirlitsskyldum aðilum og þeirri heimild hefur verið beitt af Alþingi þegar kostnaður við rekstur Fjármálaeftirlitsins hefur aukist, nú síðast í desember sl. við afgreiðslu bandorms frá hv. efnahags- og viðskiptanefnd. Ég reikna með að það verði gert með svipuðum hætti áfram ef viðbótarkostnaður fellur til.