um fundarstjórn.

Herra forseti. Fundarboðið sem ég þó fékk ber þess skýr merki að ætlunin var allan tímann að hafa fundinn að loknum þingfundi í dag. Það ber dagskrá fundarins einfaldlega með sér því að ekki hafði enn verið mælt fyrir þriðja málinu sem var á dagskrá þess fundar sem ég var boðaður til, hvað þá að því hafi verið vísað til nefndarinnar. Allt þetta mál er með þvílíkum ólíkindum að ég held að þingið og forseti verði að grípa hér í taumana.