25.03.1980
Sameinað þing: 36. fundur, 102. löggjafarþing.
Sjá dálk 1362 í B-deild Alþingistíðinda. (1355)
Umræður utan dagskrár
Forseti (Jón Helgason):
Vegna orða hv. síðasta ræðumanns skal ég lýsa því yfir, að ég er reiðubúinn að láta fara fram atkvæðagreiðslu um það hér á þinginu hvort skilningur minn á þessu máli sé ekki réttur eða þingið fallist ekki á hann. (GeirH: Er meiningin að atkvgr. fari fram nú?) Ég er reiðubúinn til þess, já. — (GeirH: En málið snýst ekki um að atkvgr. fari fram um hvort skilningur forseta sé réttur, heldur hvort eigi að fella niður stefnuræðu forsrh. eða ekki. Það er spurningin.) Það er verið að deila um skilning minn á þessu máli, og þess vegna tel ég sjálfsagt að þingið skeri úr.