12.05.1980
Neðri deild: 74. fundur, 102. löggjafarþing.
Sjá dálk 2560 í B-deild Alþingistíðinda. (2513)
52. mál, almenn hegningarlög
Dómsmrh. (Friðjón Þórðarson):
Herra forseti. Frv. þetta, sem komið er frá Ed., um breytingu á hegningarlögum, felur í sér þá breytingu eina að hækka sektahámark. Nauðsynlegt þykir að sektafjárhæðir almennt fylgi verðlagsþróun og sektahámark standi eigi í vegi fyrir því að sektir verði ákveðnar í samræmi við eðli brots. Það er í sjálfu sér matsatriði hvert lögboðið sektahámark skuli vera, en hér er gert ráð fyrir að hækka hámarkið í 30 millj. kr. að þessu sinni.
Herra forseti. Ég tel ekki ástæðu til að hafa fleiri orð um þetta frv., en legg til að því verði vísað til 2. umr. og hv. allshn. að umr. lokinni.