14.02.1985
Sameinað þing: 49. fundur, 107. löggjafarþing.
Sjá dálk 2916 í B-deild Alþingistíðinda. (2396)
Varamenn taka þingsæti - rannsókn kjörbréfa
Forseti (Þorv. Garðar Kristjánsson):
Borist hafa tvö bréf. Hið fyrra hljóðar svo:
„14. febr. 1985. Páll Pétursson, 2. þm. Norðurl. v., hefur ritað mér á þessa leið:
„Þar sem ég er á förum til útlanda í opinberum erindum get ég ekki sótt þingfundi á næstunni. Leyfi ég mér því með skírskotun til 130. gr. laga um kosningar til Alþingis að óska þess, að vegna forfalla 1. varamanns taki 2. varamaður Framsfl. í Norðurl. v., Brynjólfur Sveinbergsson mjólkurbússtjóri, Hvammstanga, sæti á Alþingi í fjarveru minni.“
Þetta er yður hér með tilkynnt, herra forseti, með ósk um að fram fari í Sþ. rannsókn á kjörbréfi varamanns.
Ingvar Gíslason,
forseti Nd.“
Þessu bréfi fylgir svohljóðandi símskeyti:
„Til forseta neðri deildar Alþingis.
Vegna sérstakra anna get ég ekki tekið sæti Páls Péturssonar á Alþingi að þessu sinni.
Sverrir Sveinsson.“
Enn fremur fylgir kjörbréf Brynjólfs Sveinbergssonar.
Hitt bréfið sem borist hefur hljóðar svo:
„14. febr. 1985.
Árni Johnsen, 3. þm. Suðurl., hefur ritað mér á þessa leið:
„Þar sem ég er á förum til útlanda í opinberum erindum get ég ekki sótt þingfundi á næstunni. Vegna setu 1. varamanns á Alþingi nú og forfalla 2. varamanns óska ég eftir að 3. varamaður Sjálfstfl. í Suðurlandskjördæmi, Óli Þ. Guðbjartsson skólastjóri, Selfossi, taki sæti á Alþingi í fjarveru minni.“
Þetta er yður hér með tilkynnt, herra forseti, með ósk um að fram fari í Sþ. rannsókn á kjörbréfi varamanns.
Salome Þorkelsdóttir,
forseti Ed.“
Þessu bréfi fylgir svohljóðandi símskeyti til skrifstofu Alþingis:
„Vegna anna get ég ekki tekið sæti Árna Johnsens í fjarveru hans.
Guðmundur Karlsson.“
Þessu bréfi fylgir kjörbréf Óla Þ. Guðbjartssonar. Með því að svo er ástatt að hvorki Óli Þ. Guðbjartsson né Brynjólfur Sveinbergsson hafa áður setið á Alþingi þarf að rannsaka kjörbréf þeirra. Er þess farið á leit við hv. kjörbréfanefnd að nefndin taki kjörbréfin til meðferðar. Á meðan verður fundinum frestað í 5 mínútur. — [Fundarhlé.]