13.06.1985
Sameinað þing: 95. fundur, 107. löggjafarþing.
Sjá dálk 6431 í B-deild Alþingistíðinda. (5809)

Varamenn taka þingsæti

Forseti (Þorv. Garðar Kristjánsson):

Svohljóðandi bréf hefur borist:

„Reykjavík, 11. júní 1985.

Jón Kristjánsson, 4. þm. Austurl., hefur ritað mér á þessa leið:

„Þar sem ég vegna sérstakra anna get ekki sótt þingfundi á næstunni leyfi ég mér með skírskotun til 130. gr. laga um kosningar til Alþingis að óska þess að 1. varamaður Framsfl. í Austurlandskjördæmi, Guðrún Tryggvadóttir meinatæknir, taki sæti á Alþingi í fjarveru minni.“

Þetta er yður hér með tilkynnt, herra forseti.

Stefán Benediktsson,

forseti Ed.“

Guðrún Tryggvadóttir hefur áður setið á þessu þingi og býð ég hana velkomna til áframhaldandi starfa á Alþingi.

Þá hefur borist svohljóðandi bréf:

„Reykjavík, 13. júní 1985.

Guðmundur Bjarnason, 6. þm. Norðurl. e., hefur ritað mér á þessa leið:

„Þar sem ég er á förum til útlanda í opinberum erindum og get því ekki sótt þingfundi á næstunni leyfi ég mér með skírskotun til 130. gr. laga um kosningar til Alþingis að óska þess að 1. varamaður Framsfl. í Norðurlandskjördæmi eystra, Níels Árni Lund æskulýðsfulltrúi, taki sæti á Alþingi í fjarveru minni.“

Þetta er yður hér með tilkynnt, herra forseti.

Ingvar Gíslason,

forseti Nd.“

Níels Árni Lund hefur áður setið á þingi á þessu kjörtímabili og býð ég hann velkominn til starfa á ný.