20.11.1984
Efri deild: 16. fundur, 107. löggjafarþing.
Sjá dálk 1156 í B-deild Alþingistíðinda. (806)

143. mál, álbræðsla við Straumsvík

Forseti (Salome Þorkelsdóttir):

Nú er forseta nokkur vandi á höndum að meta hvort tekst að ljúka þessum fundi og setja nýjan fund og ljúka honum á þeim örskamma tíma sem er fram að venjulegum kvöldmatartíma kl. 7. En ef hv. þdm. hafa ekki við það að athuga mætti kannske hafa fundinn svo sem eins og hálftíma fram yfir það og sleppa þannig við kvöldfund. Ég vænti þess að ýmsir hv. þdm. hafi verið búnir að ráðstafa sér annað og því væri flestum í hag ef hægt væri að sleppa kvöldfundi. Gef ég nú orðið síðasta ræðumanni á mælendaskrá að svo komnu máli, hv. 3. þm. Norðarl. vestra.