18.04.1988
Neðri deild: 77. fundur, 110. löggjafarþing.
Sjá dálk 6495 í B-deild Alþingistíðinda. (4482)
293. mál, áfengislög
Geir H. Haarde:
Herra forseti. Það er rangt, sem haldið hefur verið fram, að það sé söguleg og lagaleg hefð fyrir því að færa brtt. við einstök atriði í áfengislöggjöfinni til atkvæðis meðal þjóðarinnar.
Ég held að meðan við höfum ekki komið okkur saman um að flytja hin stærri mál til þjóðaratkvæðis sé rangt að byrja á smámáli sem þessu.
Ég tel að þingmenn ættu að manna sig upp í að afgreiða þetta mál sjálfir og vísa ekki frá sér ábyrgðinni á því.
Ég segi nei.