28.04.1909
Neðri deild: -1. fundur, 21. löggjafarþing.
Sjá dálk 758 í B-deild Alþingistíðinda. (1274)
5. mál, samband Danmerkur og Íslands
Jón Magnússon:
Eg vil að eins leyfa mér að bera litla fyrirspurn upp fyrir háttv. framsm. meiri hlutans (J. Þ.) Eg veit ekki betur, en að meiri hlutinn hafi talið það sem galla á tillögum sambandslaganefndarinnar, að þær nefna sig »frumv. til laga«, og hafa í því efni vitnað til Gjelsviks og Knud Berlins, sem lagt hafa alt kapp á að níða frv. niður fyrir allar hellur og spilla öllu samkomulagi og sem hafa lagt mikið upp úr þessu atriði. Því einkennilegra er, að flokkurinn skuli hafa þetta af honum áður fordæmda orðalag. Hefði meiri hlutinn talið það svo mikinn galla, sem hann lét í veðri vaka í sumar, þá hefði hann breytt því.