03.05.1911
Neðri deild: -1. fundur, 22. löggjafarþing.
Sjá dálk 1062 í B-deild Alþingistíðinda. (1263)
108. mál, stjórnarskipunarlög
Forseti (H. Þ.):
Út af ummælum háttv. 2. þm. Rang. (E. J.) um innanþingsskrifarana, að það hefði gengið nokkuð seint með að skrifa ræður þingmanna, skal eg játa, að svo hefir að vísu verið. En það hefir verið svo óvenjulega mikið að gera fyrir skrifarana á þessu þingi, að þeim er nokkur vorkunn. En eg hefi samt ekki viljað bæta við tveimur, því að hér í Nd. hafa aldrei verið fleiri en 8 skrifarar. En annars heyrir umsjón með skrifurunum nánast undir skrifstofuna og henni hefir verið fyrirskipað að setja skrifurunum strangari reglur, en áður hefir verið venja til, og hafa þær ráðstafanir þegar haft góðan árangur.
