06.03.1911
Neðri deild: -1. fundur, 22. löggjafarþing.
Sjá dálk 1884 í B-deild Alþingistíðinda. (2272)
38. mál, byggingarsjóður
Flutningsm. (Björn Kristjánsson):
Hér stendur nokkuð öðruvísi á. Tillag Íslandsbanka til landssjóðs fer ekki altaf vaxandi, en það gengur dálítið upp og niður.
Hann galt í landssjóð:
1906.. kr. 8.042
1907.. 6.279
1908.. 14.709
1909.. 12.063
Það er okkar skylda sem bankastjóra að gæta hags bankans og vernda hann. Það er vitanlegt, að bankinn mun bíða stórtap á næstu árum og ætti það að vera hvöt til þess að afnema þennan skatt. Þingið ætti líka að reyna að koma í veg fyrir, að bankareikningarnir sýni ávalt tap og með því að létta af þessum skatti, þótt eigi sé hann hár, væri þó spor stigið í áttina til þess að vernda traust hans. Ef þingið vissi hvað það gerði, ætti það að veita bankanum svo sem 50 þús. kr. styrk á ári í nokkur ár, svo að varasjóðurinn gæti haldist óskertur.