21.08.1912
Neðri deild: -1. fundur, 23. löggjafarþing.
Sjá dálk 322 í B-deild Alþingistíðinda. (730)
23. mál, stjórnarskrármálið
Framsögum. mesta hl. (Guðlaugur Guðmundsson):
Málið liggur svo ljóst fyrir af báðum nefndarálitunum og svo sjálfu frv. að ekki mun þurfa að fara mörgum orðum um það. Að eins skal eg geta þess, að þessa rökstuddu dagskrá sem forseti las upp hefi eg borið fram í samráði við mesta hl. nefndarinnar. Eg sé enga ástæðu til að hafa langar umr. um málið nú. Það hefir litla þýðingu en hins vegar er það nokkur ábyrgðarhluti að tefja tíma þingsins nú með löngum og þýðingarlitlum umræðum.