14.04.1925
Neðri deild: 55. fundur, 37. löggjafarþing.
Sjá dálk 3192 í B-deild Alþingistíðinda. (1967)
111. mál, útvarp
Flm. (Jakob Möller):
Viðvíkjandi því, er hv. þm. V.-Ísf. (ÁÁ) sagði um væntanlegan gróða þessa fyrirtækis, skal jeg taka það fram, að hjer stendur alveg sjerstaklega á. Það er tæpast hægt að bera það saman við England, því hvernig eru þau fjelög samsett, sem hafa þetta í höndum þar í landi? Verksmiðjurnar, sem framleiða tækin, eru hluthafar í þessum fjelögum og græða á sölu þeirra samtímis gróðanum af útvarpinu.
Jeg skal ekki andmæla því, að þetta á ekki að vera gróðafyrirtæki, en það má ekki taka fyrir kverkar því í byrjun með of mikilli aðsjálni. Hæstv. atvrh. (MG) hefir einnig tekið fram, að það er stjórnin, sem á að semja gjaldskrá.