23.03.1928
Efri deild: 55. fundur, 40. löggjafarþing.
Sjá dálk 634 í C-deild Alþingistíðinda. (1946)

130. mál, Þingvallaprestakall

Frsm. meiri hl. (Jón Baldvinsson):

Af því að hv. 2. landsk. hefir nú ekki tækifæri til þess að svara, þá ætla jeg aðeins að leiðrjetta einn misskilning hjá hv. þm. — Hv. þm. virtist álíta, að það yrði erfið kirkjusókn fyrir söfnuðinn í Þingvallasókn að fara yfir Mosfellsheiði til þess að hlýða á prest. Þetta er alveg öfugt; presturinn á að fara til safnaðarins, en ekki söfnuðurinn til prestsins. (IHB: Hvað stendur kirkjan á Þingvöllum lengi?). Þangað til hún fellur. — Þetta er því ímyndaður ótti hjá hv. 2. landsk., og vildi jeg leiðrjetta þennan misskilning, því það var það eina, sem talist gátu rök í ræðu hv. þm., ef rjett hefði verið.