30.04.1929
Efri deild: 57. fundur, 41. löggjafarþing.
Sjá dálk 625 í B-deild Alþingistíðinda. (588)
3. mál, kosningar í málefnum sveita og kaupstaða
Guðmundur Ólafsson:
Jeg sje, að þeir hv. 2. þm. N.-M. og hv. 2. þm. S.-M. eru illa með á nótunum með því, hvað fyrir mjer vakti. Hv. 2. þm. S.-M. þótti varhugavert að kjósa með „undanþágu“, eins og hann kallaði það. En það er ekki rjett að tala um neina „undanþágu“, ef þetta verður sett í lögin. Ef svo fer, að báðir skerast úr leik, aðalmaður og varamaður, þá á að kjósa við fyrstu hentugleika í stað þeirra. Jeg sje ekki. hvað það er viðkunnanlegra að láta kjósa tvisvar á sama ári, láta hreppsnefnd kjósa fyrst, en láta síðan staðfesta þá kosningu eða fella úr gildi á næsta manntalsþingi. Verði brtt. mín samþ., þá verður þetta eitt af ákvæðum laganna, en ekki nein „undanþága“ eða neitt svoleiðis. Það var þetta, sem jeg vildi taka fram. Þá er rjett að kjósa aftur, og má þá vel vera, að best sje að kjósa 2 menn til vara, eins og hv. flm. stakk upp á.