08.11.1934
Efri deild: 33. fundur, 48. löggjafarþing.
Sjá dálk 2320 í B-deild Alþingistíðinda. (3184)
49. mál, ritsíma- og talsímakerfi
Jón Baldvinsson:
Ég skil ekki, hvernig hv. flm. frv. á þskj. 49 getur haldið því fram, að þessi fyrirsögn geti staðizt, því sá maður, sem færi að lesa þetta frv., mundi vitanlega fara í l. frá 1913, til þess að sjá, hvaða breyt. væri á þeim gerðar. En þegar hann kæmi að 4. gr. l., þá stendur ekkert um þetta. Það kemur fyrst inn í l. frá 1926.
Mér skilst því, að þetta sé ekki rétt tilvitnun, og að n. verði að breyta því. En út af því, sem hv. frsm. n. sagði, að það mætti bæta við fyrirsögnina og vitna í seinni l., þá held ég, að það sé heldur ekki rétt. Ég sé, að í l. frá 1929 er aðeins vitnað í tvenn l., l. frá 1919 og l. frá 1926; l. frá 1913 eru þar ekki nefnd. Ég álít því, að rétt væri, að n. gerði þá breyt. á fyrirsögn frv., að það nefndist viðauki við l. frá 1929.