03.10.1934
Sameinað þing: 2. fundur, 48. löggjafarþing.
Sjá dálk 18 í B-deild Alþingistíðinda. (43)
Kosning til efrideildar
Héðinn Valdimarsson:
Ég vil taka það fram, að Alþýðufl. stendur óskiptur að baki forseta um þetta mál.
Bændafl. neitaði að taka þátt í myndun Ed. með hinum flokkunum, og af því hlaut að leiða, að meiri hl. þings var skylt að tilnefna einhvern af þeirra mönnum á lista, sem og var gert. Ég tel frekari umr. um þetta algerlega óþarfar, þar sem öllum hv. þm. er kunnugt um, að forsetaúrskurðurinn stendur, og fordæmin eru mörg fyrir því, t. d. í hv. Nd., að bera ekki slíka úrskurði undir atkv., enda þýðingarlaust.