31.10.1935
Sameinað þing: 18. fundur, 49. löggjafarþing.
Sjá dálk 115 í D-deild Alþingistíðinda. (4797)

139. mál, landhelgisgæsla

Sigurður Einarsson:

Þó sú till. til þál., sem hér liggur fyrir, sé fram borin af fjvn. án fyrirvara frá einstökum nm., þá þykir mér rétt að skýra frá því, að þegar málið var rætt í n., þá létum við fulltrúar alþfl. í ljós þá skoðun og gerðum grein fyrir henni, að ekki væri tímabært að bjóða Þór. Aftur á móti viljum við láta leita tilboða í Óðin. En till. var upprunalega þannig rædd, að ekki var gert upp á milli Óðins og Þórs. Vegna þessarar afstöðu okkar til till. litum við svo á, að við höfum óbundin atkv.. ef brtt. kemur fram um það atriði sem við lýstum okkur ósamþykka. Þetta þykir mér rétt að taka fram. án þess það skipti miklu máli.