19.01.1945
Efri deild: 106. fundur, 63. löggjafarþing.
Sjá dálk 1319 í B-deild Alþingistíðinda. (3316)
221. mál, sjúkrahús o.fl.
Frsm. (Haraldur Guðmundsson):
Herra forseti. Þetta frv. var borið fram af heilbr.- og félmn. hv.
Nd. En hún hafði fengið til meðferðar frv., sem hv. þm. Ak. hafði borið fram um byggingu og rekstur sjúkrahúss á Akureyri, þar sem lagt var til, að ríkið reisti sjúkrahús þar og sæi um rekstur þess.
Mþn., sem er starfandi til að athuga og gera till. um læknishéraðaskipun o.fl., fékk þetta mál til umsagnar eftir kröfu hv. þm. Ak. Hún lagði til, að í stað þess að samþ. sérstakt frv. um sjúkrahús yrði almennt ákvæði sett inn í l. frá 1933 um sjúkrahús o.fl. að efni til eins og þetta frv. er að öðru leyti en því, að þar er gert ráð fyrir nokkru hærri byggingarstyrk til sjúkrahúsa en hér er gert. Hins vegar hygg ég, að það sé svo um þau ákvæði um styrk, sem í þessu frv. eru nú, að um þau sé nokkurn veginn tryggt samkomulag, þannig að þeir, sem annað hefðu kosið, telji, að við þetta megi hlíta, a.m.k. fyrst um sinn.
Heilbr.- og félmn. þessarar hv. d. fékk mál þetta til meðferðar, og er hún sammála um að mæla með, að það verði samþ. Einn nm., hv. 4. landsk., gat þess í n., að hann mundi bera fram brtt. við frv., og skýrði frá efni hennar. Sú brtt. er nú fram komin á þskj. 874. Um þessa brtt. hafa nm. óbundin atkv., enda lá þá ekki fyrir n. álit landlæknis eða heilbrigðisstj. um efni till. Till. er um, að ef bæjareða sýslufélag það, sem fjórðungssjúkrahús er reist í, óskar þess, sé ráðh. heimilt að gera það að skilyrði viðurkenningar sinnar fyrir, að það sé fjórðungssjúkrahús, að öll þau sveitarfélög í grennd sjúkrahússins, er ætla má, að hafi þess samsvarandi not, takist á hendur eign og ábyrgð fyrirtækisins og gerist aðilar að rekstri þess, en samkvæmt l. frá 1933 er gert ráð fyrir því, að heilbrigðisstj. geti fyrirskipað, að öll sveitarfélög læknishéraðsins skuli verða þátttakendur í byggingu og rekstri sjúkrahússins, ef meiri hl. sveitarstjórna samþ. það. Ég hygg, að það sé vafasamt, að þessi brtt. sé í fullu samræmi við þessi ákvæði l. frá 1933, þó að ekki sé beinlínis hægt að segja, að þau rekist á. Hins vegar er annað atriði, sem rétt er að benda á í þessu sambandi, en það er, að það getur valdið ríkissjóði nokkuð auknum fjárútlátum, ef brtt. þessi er samþ. Samkvæmt frv., eins og það nú liggur fyrir, á ríkissjóður að greiða fjórðungssjúkrahúsum árlega rekstrarstyrk, 100 kr. á sjúkrarúm. Ef þess vegna nærliggjandi héruð við kaupstað, sem sjúkrahús er byggt í, er ekki aðili að byggingu þess eða rekstri, eru sjúklingar úr þeim héruðum samkvæmt l. utanhéraðssjúklingar, og greiðir ríkissjóður með þeim þá upphæð, sem hér er greint í frv. Ég ætla, að eftir þeim upplýsingum, sem fyrir hafa legið varðandi sjúklinga á Akureyri, sem gera má ráð fyrir, að þessi l. taki til, hafi samkvæmt síðustu skýrslum verið um 7000 legudagar sjúklinga af Akureyri, en legudagar sjúklinga úr þeim tveimur nærliggjandi sýslum, sem komið hefur til orða að yrðu í félagi við Akureyri um sjúkrahússbygginguna, þ.e.a.s. Eyjafjarðarsýslu og Þingeyjarsýslu, nálega jafnmargir, eða um 7000. Það er ekki ástæða til að ætla, að hér sé um mjög stóra upphæð að ræða í þessu sambandi, vegna þess að ætla má, að daggjöld sjúklinga verði ákveðin sem næst því, sem dvöl sjúklinganna kostar, en þó getur, nokkur kostnaður orðið þessu samfara.
Ég hygg, að ekki liggi á að samþ. þessa breyt. á frv., og mun því ekki greiða till. atkv., en hún getur komið til greina síðar, þegar hefur sýnt sig. hvernig á þessum málum verður haldið.