22.01.1970
Neðri deild: 41. fundur, 90. löggjafarþing.
Sjá dálk 230 í B-deild Alþingistíðinda. (205)
123. mál, tollskrá o.fl.
Frsm. meiri hl. (Matthías Á. Mathiesen):
Herra forseti. Fjhn. þessarar hv. d. hefur haft til athugunar frv. til l. um tollskrá o.fl. Í n. hefur ekki orðið samstaða um útgáfu nál., og gefur meiri hl. út nál. á þskj. 245, en minni hl. gefur út 2 nál. á þskj. 256 og 259. Meiri hl. fjhn. leggur til, að frv. verði samþ. með þeim breytingum, sem ég flyt í mínu nafni á þskj. 236 og 246.
Eins og fram kemur í nál. meiri hl., styðja fulltrúar minni hl. ýmsar af þeim brtt., sem þar eru fluttar og þess vegna er þessi háttur á hafður, að ég flyt þær sem formaður n., en ekki meiri hl. sérstaklega, þar sem minni hl., eins og ég sagði áðan, styður allflestar af þessum brtt. Til ráðuneytis við athugun frv. voru þeir Jón Sigurðsson ráðuneytisstjóri og Björn Hermannsson deildarstjóri í fjmrn., en þeir eiga báðir sæti í tollskrárnefnd. Áður en jólaleyfi var gefið, sendi n. frv. fjölmörgum aðilum til umsagnar og óskaði eftir, að umsagnir væru komnar hér til þingsins 11. janúar og var svo. Auk þess bárust ýmsar og nokkuð margar aths. frá einstökum aðilum, sem bentu á ýmislegt í þessu frv. og óskuðu eftir, að á frv. væru gerðar breytingar í samræmi við þær ábendingar, sem þeir komu með.
Eins og fram kemur í aths. við frv., er hér um að ræða breytingar, sem leiða af þeirri samþykkt Alþ., að veita ríkisstj. heimild til þess að Ísland gerist aðili að Fríverzlunarsamtökum Evrópu, EFTA. Breytingarnar á tollskránni eru fólgnar í því að samræma tollskrána við þá samninga, sem gert er ráð fyrir, að Ísland geri í sambandi við inngöngu í EFTA. Þó hafa að sjálfsögðu ýmis atriði, sem menn hafa tekið eftir og eru til leiðréttingar, verið tekin upp og við athugun á frv. hafði n. fyrir sér meginsjónarmið frv. og eru brtt. í samræmi við það. Þó, eins og ég gat um, eru teknar upp eða gerðar brtt. til samræmingar og leiðréttingar og ég mun gera grein fyrir þeim hér á eftir.
Ég tel ekki ástæðu til þess að fara að fjalla um einstakar greinar frv. að öðru leyti en því, sem við kemur þeim brtt., sem fluttar eru. Flestallar brtt. eru við 1. gr. frv., en í henni eru flokkaðar niður í upp undir 100 flokka þær vörur, sem um er að ræða, og þar settur sá tollur, sem um innflutning á þeim gildir, samkvæmt Brüssel samþykktinni. Það hafa verið gerðar smávægilegar leiðréttingar á milli flokka, en að eiginlega öllu leyti er flokkaskipan sú hin sama og er í þeirri tollskrá, sem í gildi er í dag.
Ég mun þá gera grein fyrir þeim brtt., sem ég flyt við 2. gr. frv., en þær brtt. eru á tveimur þskj., þskj. 236 og 246, og byrja á brtt. við 5. kafla 1. gr. Við þennan kafla eru 1. og 2. brtt. á þskj. 246 og þar er samræming á tolli, þ.e.a.s. á hráefni. Hann er samkv. till. n. færður úr 30% í 15% í stað þess, að gert er ráð fyrir því í frv., að hann sé færður úr 30% í 21%. Hér er haft í huga það sjónarmið, sem er reynt að stefna að, þó að það sé ekki að öllu leyti, að hráefni lækki í tolli um 50%.
Þá er næst brtt. við 12. kafla frv. Þar er um að ræða hráefni, sem gert er ráð fyrir, að notað verði til blöndunar í skepnufóður, en hefur lítið verið notað hér til slíks og gert ráð fyrir, að tollurinn fari í 0% í stað þess, að í frv. er lagt til, að hann verði óbreyttur, eða 20%.
Þá er brtt. nr. 2 á þskj. 236 við 15. kafla frv. Þar er lagt til, að það verði lækkun á baðmullarfræsolíu úr 10% í 7%, en í frv. er gert ráð fyrir, að þar verði ekki um að ræða neina tollalækkun.
Þá er næst 3. brtt. á þskj. 236 við 18. kaflann. Þar er um það að ræða að færa toll niður um 50%, niður í 20% í stað 40%, en í frv. er gert ráð fyrir, að hann fari aðeins niður i 30%. Síðan er brtt. á þskj. 236 nr. 4 við 20. kafla. Það er, að ytri tollurinn lækki á „tómatpuré“, sem er notað í sambandi við niðursuðuiðnað, í 50% úr 80% og EFTA–tollurinn í 35% úr 55%, eins og gert er ráð fyrir í frv., að hann verði. Þá er 3. brtt. á þskj. 246 við 21. kafla. Það er að búa til nýtt nr., þar sem gert er ráð fyrir, að súputeningar nr. 21.05.00, súputeningar og súpur innfluttar verði með 100% ytri tolli og 70% EFTA–tolli. Hér er um það að ræða, að fyrir ekki löngu síðan var hér sett á stofn fyrirtæki, sem framleiðir slíkar súpur og þá er gert ráð fyrir því, að hráefnið, sem innflutt er í sambandi við það, verði í 70% tolli, sé það flutt inn í 5 kg umbúðum eða stærri, eins og í greininni stendur.
Þá er næst 5. brtt. á þskj. 236. Það er við 22. kafla. Þar er leiðrétting á EFTA–tolli. Í frv. er gert ráð fyrir, að hann sé 21%, en hér er lagt til, að hann verði 18%. Þessu næst er brtt. 6 á þskj. 236, brtt. við 29. kafla. Það er að kljúfa upp nr. 29.01.20. Hér er um að ræða, að efnið „acetylen“ verði í 25% EFTA–tolli og 35% ytri tolli, en önnur efni verði með 15% ytri tolli. Hér er um að ræða tæknilega, efnafræðilega breytingu, sem sérfræðingar tollskrárnefndar hafa bent á, að æskilegt væri, að gerð yrði.
Þá er 7. brtt. á þskj. 236 við 35. kafla 1. gr. Þar er um að ræða hækkun frá því, sem gert er ráð fyrir í frv. Í frv. er gert ráð fyrir, að umrætt efni fari í 21 % toll, en það er talið eðlilegra, að hér verði um að ræða 30% ytri toll. Hins vegar enginn EFTA–tollur í þessu tilfelli. Við 36. kafla er brtt. frá n. Þar er um að ræða nr. 36.01.00 og 36.05.00. Í fyrra tilfellinu er um að ræða púður til sprengiefnaframleiðslu og þar gert ráð fyrir því, að lækka tollinn úr 35% í 18% og samsvarandi með flugelda, sem eru í 36.05, að tollurinn á þeim verði 50% ytri tollur og 35% EFTA–tollur.
Síðan koma nokkuð mörg nr., sem eru brtt. við 37. kafla, allt frá 10. brtt. og að 19. brtt. Hér er um að ræða vörur til ljósmynda– og kvikmyndagerðar og gert er ráð fyrir því, að þær lækki úr 70% tolli í 35% toll.
Þá er 19. brtt. á þskj. 236. Það er við 39. kaflann, nr. 39.01.02. Þar er gert ráð fyrir, að tollur lækki úr 30% í 15%, í stað þess að í frv. er gert ráð fyrir að tollurinn lækki aðeins í 21%. Er hér verið að lækka tollinn í samræmi við 50% sjónarmiðið. Þá er einnig sams konar breyting fólgin í 20. brtt. Í 21. brtt. er um að ræða nánari skilgreiningu á því, hvað í þessu númeri felst. Við 39. kaflann eru einnig fleiri brtt., nr. 22 við 39.04.01. Þar er sams konar brtt. og áður, þ.e.a.s. efnistollur lækki um 50%, niður í 15% í staðinn fyrir 21%, eins og gert er ráð fyrir í frv. Í 23. brtt. er um að ræða nánari útskýringu á texta. 24. brtt. er um að lækka toll í 15% í stað 21%. 25. brtt. er skýringaratriði á texta. 26. brtt. er um að lækka ekki aðeins í 21%, heldur 15%. 27. brtt. er skýringaratriði í texta.
Síðan koma brtt. við 40. kafla, á þskj. 236 og 246. 28. brtt. er um, að í staðinn fyrir eitt nr., pípur og slöngur úr toggúmmíi, komi tveir flokkar: Pípur og slöngur fyrir háþrýsting, a.m.k. 20 kg/cm2, þær lækki úr 35% í 7%, en aðrar úr 35% í 25%, eins og frv. gerir ráð fyrir. 4. till. á þskj. 246 er við sama kafla, nr. 40.01.02, og er um lækkun á efni til skósólagerðar. Gert er ráð fyrir því, að það lækki úr 30% í 10% í staðinn fyrir 21% í frv. Brtt. nr. 29 á þskj. 236 við nr. 40.14.03 felur í sér hækkun til leiðréttingar, að tollur á burstahausum verði áfram 35% í stað þess, að gert er ráð fyrir í frv., að hann lækki niður í 25%.
Við 42. kafla er brtt. nr. 5 á þskj. 246. Þar er um að ræða skógerðarefni og lagt til, að tollurinn verði 10% í stað 35%. Í frv. er gert ráð fyrir, að tollurinn verði 25%. Þá er í 6. og 7. tölul. á þskj. 246 gert ráð fyrir því, að tollur á kjöttunnum og tollur á síldartunnum og hlutum til þeirra verði 0. Þá er brtt. nr. 8 á þskj. 246. Þar er átt við efni til skósmíðaiðnaðar og gert ráð fyrir því að það lækki úr 35% í 7% í staðinn fyrir að frv. gerir ráð fyrir því, að það verði 35% ytri tollur og 25% EFTA–tollur, en hér er honum sleppt og gert ráð fyrir því, að ytri tollur verði 7%.
Þá eru brtt. á þskj. 236 nr. 30 og 31 við 44. kafla, nr. 26 og 28.91. Gert er ráð fyrir því, að tollur lækki í báðum tilfellum úr 35% í 7%.
Næst eru brtt. við 48. kafla. Þær eru á þskj. 236 og þar er lagt til, að nr. 48.07.83 falli niður. Það er þakpappi og annar asfaltborinn pappír. Þessi liður falli niður, en upp komi 33. brtt., þ.e. nýtt nr., það er þakpappi báraður og tollurinn á honum fari í 15%. Það er til samræmis við bárujárnið og eftir standi þá nr. 48.07.95, þar sem tollurinn verði á öðrum asfaltbornum pappa 35% ytri tollur og 25% EFTA–tollur. Þá er brtt. á þskj. 246, við sama kafla, þ.e. 48.14.09. Þar á að hækka toll miðað við frv., þ.e. EFTA–toll á skrifblokkum. Tollurinn lækki í 35% í staðinn fyrir 30%, eins og frv. gerir ráð fyrir. Lækkunin verður þá úr 80% niður í 35%. Á þskj. 236 er 35. brtt. við 48.15.04. Þar er lagt til, að hér verði um að ræða EFTA–vöru með 35% EFTA–tolli og 50% ytri tolli. Þá er 36. brtt. á sama þskj. Þar eru mjólkurumbúðir, þ.e. nýtt nr. Þær verði EFTA–vara með 25% ytri tolli og EFTA–tollurinn verði 18%. Þá er það 37. brtt. Þetta eru bókhaldsbækur og albúm. Gert er ráð fyrir, að tollurinn lækki á þeim úr 100% í 50% ytri toll, og EFTA–tollurinn verði 35%. 38. brtt. við 48.19.01. Það eru vöru– og merkimiðar. Ætlazt er til að þeir lækki úr 50% í 30% með tilliti til áprentaðra miða, sem eru í 35% gagnvart EFTA, nr. 48.19.02. Þá er það 39. brtt. Hún á við myndir og bæklinga á íslenzku. Á þeim verði 50% ytri tollur og 35% EFTA–tollur. Hér er um að ræða lækkun úr 80% tolli, sem hann er nú.
Þá er 40. brtt., þ.e. lækkun á silkiormaspuna. Hér er um að ræða leiðréttingu í sambandi við prjónaverksmiðjur, og tollurinn lækki úr 60% í 30% ytri toll og 20% EFTA–toll. Þetta er til samræmis við nr. 50.05.00 og 50.07.00 samkv. ábendingu, sem fram kom. Síðan koma nokkuð margar brtt., sem eru varðandi vefnað úr tilbúnum trefjum og baðmull og gert ráð fyrir því, að tollurinn lækki í 25% ytri toll, en hann standi að öðru leyti óbreyttur. Ástæðan fyrir þessu er, að fataframleiðslan fær eflaust harða samkeppni eftir EFTA–samkomulagið, en dúkur sá, sem fluttur er inn frá löndum fyrir utan EFTA–svæðið, fæst ekki endurgreiddur í tolli við útflutning, ef varan á að fá EFTA–meðferð. Og þetta eru brtt. nr. 41, 42, 45, 46, 47, 48, 49, 50, 51 og 53. Síðan koma brtt. nr. 43 og 44. Þar er um að ræða garn úr ull, mjög fínt, sem ekki er hægt að framleiða úr ísl. ull. Gert er ráð fyrir, að það lækki úr 25% í 10% EFTA–toll og 15% ytri toll. Hér er um að ræða mjög mikilvægt hráefni fyrir prjónastofur. Þá er áfram brtt. á þskj. 236, nr. 52. Það eru kveikir úr spunatrefjum og gert er ráð fyrir því, að þeir lækki í 18% toll. Þá er brtt. nr. 54 við prjóna– og heklvoð. Gert er ráð fyrir því að slíkt lækki úr 40% í 20% EFTA–toll og 30% ytri toll.
Þá er brtt. við 70. kaflann, þ.e. 55. brtt. Hér er um að ræða glerspegla, sem framleiddir eru í landinu og verða því EFTA–vara og verða því með 70% EFTA–toll. 57. brtt., þar er um að ræða vefnað úr glertrefjum, sem gerð er till. um að lækki ofan í 30% toll til samræmis við nr. 53.11.00.
Síðan koma hér brtt. nr. 58, 59, 60, 61, 62, 63, 64, 65, 66, 67, 68, 69, 70, 71, 72, þ.e.a.s. brtt. við 71. kafla. Hér er um að ræða hráefni fyrir gull– og silfursmíði,- og það er gert ráð fyrir því, að það hráefni lækki um 50%, úr 40% í 20%.
Þá eru brtt. við 73. kafla, sem eru á báðum þskj. Ég mun fyrst taka till. á þskj. 246, sem eru brtt. frá nr. 11 að nr. 34 á bls. 3 í þskj. 246. Allar þessar brtt. fjalla um lækkun á hráefni til járniðnaðar og gert er ráð fyrir því, að hráefnistollurinn fari hér í 2%, hann er nú í flestum tilfellum 5%. Í frv. er gert ráð fyrir lækkun í 4%, en talið er, að rétt væri að lækka þann toll ofan í 2%. Þetta voru brtt. frá nr. 11 að nr. 34 á þskj. 246. Síðan er brtt. nr. 73 á þskj. 236 við þennan sama kafla, vír til framleiðslu á naglavír, sem þarf mikla vinnslu. Þar er gert ráð fyrir lækkun úr 15% í 7% skv. 50% sjónarmiðinu. Í 74. brtt. er gert ráð fyrir að fella toll niður á þynnum og plötum til iðnaðar, en hins vegar setja 7% toll á nr. 73.13.59, sem er annað í þeim sama tollflokki.
Þá er gert ráð fyrir því í 75. og 76. brtt. á þskj. 236, að logsuðuvír lækki úr 15% í öðru tilfellinu — úr 35% í hinu— ofan í 7%, en að annað í þeim kafla standi í 18%, sem er 77. brtt. 78. brtt., 73.20.00. Hér er um að ræða „pípufittings“, sem gert er ráð fyrir að lækki úr 35% í 25%, en þetta er mikið notað til iðnaðar.
79. brtt. gerir ráð fyrir, að hér komi inn EFTA–tollur, sem verði 30%, ýmiss konar mannvirki, skemmur og aðrar byggingar, eins og þar stendur. Síðan er 80. brtt., þar er um að ræða jarðstrengsmúffur og tengidósir og gert er ráð fyrir að það lækki úr 35% í 25%.
81. brtt., þar er gert ráð fyrir sams konar lækkun, hins vegar í 82 er gert ráð fyrir lækkun úr 70% í 25%.
Í nr. 83, 84 og 85 er gert ráð fyrir að lækka ýmis verkfæri úr 35% tolli ofan í 7%, til samræmis við vélatoll. Síðan er 86. brtt. á þskj. 236, hún er dregin til baka, því það kemur sams konar tillaga með öðrum texta á þskj. nr. 246.
En á þskj. 246 eru brtt. við 73. kaflann, þar sem gert er ráð fyrir því, að vörur úr kopar falli úr 70% tolli ofan í 7% toll, og plötur og ræmur, — í 35. brtt., þar sem stendur „plötur og ræmur úr „lúmíni“, á að sjálfsögðu þegar yfir lýkur að standa „úr áli“,– fari úr 5% í 0%, en við munum í 3. umr. gera till. um orðalagsbreytingu á þessu, þ.e. till. við 76. kafla 1. gr. Þá er við sama kafla 36. brtt., þar sem gert er ráð fyrir því, að rafmagnstengidósir og bólur til gangbrautamerkinga falli úr 35% ofan í 25%. Þá er ein brtt. enn við 76. kafla, þ.e. 37. brtt. á þskj. nr. 246, þ.e. vörur úr „alúmíni“ grófmótaðar, en ekki frekar unnar, – þarna á að vera ál og verður það leiðrétt, — að þær fari úr 70% í 7%.
Við 79. kaflann er brtt. nr. 38. Þar er gert ráð fyrir, að vír fari úr 35% tolli í 7% toll.
39. brtt. á þskj. 246 kemur í staðinn fyrir till. nr. 86 á fyrra þskj., sem dregin var til baka, þar er gert er ráð fyrir, að öryggishurðir með eða án karma til innbyggingar í hús falli úr 100% í 40% toll. Ég sé að þetta er orðað með tilliti til brtt. 236, nr. 86, svo að þetta skoðast þá sem brtt. við þá brtt. Hér er um að ræða hurðir, sem notaðar eru sem öryggishurðir í hús, þ.e.a.s. húshluta og er leiðréttingin til samræmis við toll á húshlutum. Hún á við 83. kafla 1. gr. Við sama kafla er brtt. á þskj. 236, 83.05.00, þar sem gert er ráð fyrir að smávarningur og útbúnaður fyrir lausblaðabindi o.fl. falli úr 50% og 80% tolli ofan í 30%. Við sama kafla á brtt. 88 á þskj. 236. Þar er gert ráð fyrir að þráður, stengur, pípur, plötur í rafsuðuvír o.fl. falli úr 15% í 7%.
Þá er það 84. kafli frv. Við hann eru brtt. á báðum þskj. Í nr. 89 á þskj. 236 er um að ræða afgreiðsluborð, sýningarskápa fyrir verzlanir. Gert er ráð fyrir að tollurinn haldist í 35%, en í frv. er gert ráð fyrir að tollurinn lækki úr 35% í 10%, sem að athuguðu máli er ekki talið eðlilegt. Í 90. brtt. á sama þskj. er um að ræða nýtt númer í 84. kafla 59, þ.e. að inn komi þar nýtt númer, nr. 26, hreinlætistæki. Þessi kafli inniheldur mekanísk áhöld og talið er eðlilegt að hreinlætistæki, sem heyra undir þennan kafla, beri sama toll og hreinlætistæki, sem heyra undir aðra tollflokka. Á þskj. nr. 246, þar er brtt. nr. 40. Þar er um að ræða pressur, marningsvélar og aðrar vélar og tæki til notkunar við framleiðslu á víni og víndrúfnasafa o.s.frv. Gert er ráð fyrir að slíkt lækki úr 25% í 7%. Í 41. brtt. er gert ráð fyrir, að ýmsar vélar og tæki til landbúnaðar, þ.e.a.s. til garðyrkju, alifuglaræktar o.fl., eins og þar stendur, lækki úr 25% í 7% og talið eðlilegt með tilliti til annarra breytinga á tollskránni.
Þá er það 85. kafli. Þar eru brtt. nr. 91 á þskj. 236 og nr. 42 á þskj. 246 um að þar komi nýtt númer, þ.e.a.s. að straumfestar verði með sérstökum tolli, sem á þskj. 236 er lagt til að verði 18%, en að athuguðu máli talið rétt að færi ofan í 10%, eins og kemur fram á þskj. 246. Þá er gert ráð fyrir, að efni í rafgeyma lækki úr 20% í 10%, þ.e. 43. brtt. á því þskj.
Þá koma brtt. í sambandi við 87. kafla 1. gr., þ.e.a.s. ökutæki. Í 92. brtt. á þskj. 236 er gert ráð fyrir því, að í staðinn fyrir að í frv. eru bifreiðar í jeppaflokki flokkaðar eftir bilinu milli miðdepla ása, er gert ráð fyrir því í till. á þskj. 236, að þessi viðmiðun falli niður og jeppar verði allir í einum og sama flokki. Þá er þar lagt til á sama þskj. í nr. 93, að reiðhjól án hjálparvéla lækki úr 90% í 80%. Svo er og lagt til í 94. brtt., að barnavagnar án drifs lækki úr 90% í 50%. Hér er um að ræða erindi sem inn hafa komið og vakið athygli á mjög háu verði þessarar mjög svo nauðsynlegu vöru. Á þskj. nr. 246, þar er 44. brtt., snjósleðar. Þar er gert ráð fyrir að tollur á þeim lækki úr 60% í 40%. Þá er einnig gert ráð fyrir því í 45. brtt. á sama þskj., að almenningsbifreiðar, svo sem langferðabifreiðar og strætisvagnar, falli úr 40% tolli ofan í 30% toll. Síðan er 46. brtt. til samræmis við 44. brtt. 47. brtt. á þskj. 246 gerir ráð fyrir að díselknúnar vörubifreiðar, að burðarmagni 3 tonn og þar yfir, lækki úr 40% tolli ofan í 30% toll. Og sömuleiðis aðrar bifreiðar en díselknúnar, ofan við sama tonnafjölda. 49. brtt., 87.03.09, sem er annað í þeim tollflokki, gerir grein fyrir lækkun úr 40% í 30% líka. Sömuleiðis í brtt. nr. 50, þar er um að ræða lækkun úr 40 í 30%. Þetta var við 87. flokkinn, en við hann er víst ein brtt. enn á þessu sama þskj., þ.e. nr. 51. Þar kemur nýtt númer og það er 87.14.03, sem hefur hingað til flokkazt undir 87.14.09, haugsugur. Þær komi nú í nýjan flokk, sem verði með 7% tolli eins og nr. 02. Síðan er 95. brtt. á þskj. 236 um að það, sem er talið annað í þessum flokki, verði með 40% tolli í stað 80%, sem gert er ráð fyrir í frv. Brtt. nr. 52 á þskj. 246. Þar er gert ráð fyrir lækkun úr 35% í 25% toll.
Við 92. kafla frv. eru brtt. á þskj. 236, þar sem gert er ráð fyrir, að grammófónplötur til tungumálakennslu lækki úr 50% niður í engan toll, svo og að segulbönd með áteknu efni fyrir Fræðslumyndasafn ríkisins lækki úr 75% niður í 0. Þá er gert ráð fyrir því á þskj. 246, brtt. nr. 53, að kljúfa út nýjan flokk fyrir dráttarvélasæti og lækka þau ofan í 7%, annað verður þar óbreytt. Við 1. grein frv. eru ekki fleiri brtt. á þskj. 246, en á þskj. 236 eru við þá grein 3 brtt. enn þá, annars vegar nr. 98, þar sem gert er ráð fyrir að taflborð og taflmenn fari úr 80% ofan í 50% toll til samræmis við tæki til íþróttaiðkana. Brtt. nr. 99 er um lækkun á spilum úr 100% tolli í 90% til samræmis við annað í þeim tollflokki. Í 100. brtt. er um að ræða rennilása og hluta til þeirra og gert ráð fyrir, að málmstykki til framleiðslu á rennilásum lækki úr 25% tolli í 14% toll. Annað lækki úr 40% í 35%.
Ég hef þá gert grein fyrir þeim brtt., sem eiga við 1. gr. frv. Við 2. gr. frv. eru engar brtt., en við 3. gr. eru hins vegar brtt.
Á þskj. 236 er gerð tilaga um breytingu á 28. tölulið 3. gr., þ.e.a.s. 2. málsliður 28. töluliðs orðist svo: „Má miða endurgreiðsluna við tiltekna fjárhæð á hverja rúmlest, eða sem ákveðinn hundraðshluta af samningsverði.“ Hér er um það að ræða, að í staðinn fyrir að í frv. er gert ráð fyrir að endurgreiðslan eigi sér stað miðað við ákveðna rúmlest, þá megi einnig binda hana við ákveðinn hundraðshluta af samningsverði.
Þá er 2. brtt. við 3. gr., þ.e. að 48. tölul. verði felldur niður, en í honum stendur, að endurgreiða skuli gjöld af síldarvogum, sem samsvari því, að af þeim verði greiddur 10% verðtollur. Í 1. gr. frv. er hins vegar gert ráð fyrir því, að af síldarvogum verði greiddur 7% tollur, en ekki meiri tollur, svo að 48. töluliður er marklaus.
Þá er 3. brtt. á sama þskj. um heimild til að endurgreiða timburinnflytjendum gjaldamismun af öllum sannanlegum birgðum timburs 1. marz 1970, innfluttum eftir 1. ágúst 1969. Er lagt til að þetta heimildarákvæði komi þarna inn. Stafar þetta heimildarákvæði af sérstöðu timburkaupmanna, því þeir verða af flutningsástæðum að flytja vörur sínar inn til landsins síðari hluta sumars og fyrri hluta vetrar, áður en vetur og ís leggst að í útskipunarhöfnum, sem yfirleitt eru í Austur-Evrópu.
Þá er 4. brtt. um að á eftir 51. tölulið komi nýir töluliðir. Það er þá fyrst nr. 52. Þar er lagt til að endurgreiða, með nánar ákveðnum skilyrðum, gjöld af efni til framleiðslu rafagnatækja. Það hefur nokkuð verið fengizt við framleiðslu á þessum tækjum hér á landi, en það eru af þeim há aðflutningsgjöld, sem hafa hamlað nauðsynlegum tilraunum og framleiðslu, en það er talið mikilvægt, að þessi iðngrein fái að þróast og þess vegna lagt til, að þessi endurgreiðsluheimild fáist.
Í nr. 53 er lagt til að fella niður verðtoll af flugvélaeldsneyti, þegar gerðar hafa verið viðhlítandi breytingar á innheimtu lendingargjalda. Það er talið að tollgreiðsla af eldsneyti hér á landi hamli gegn viðkomu erlendra flugvéla og sporni gegn eðlilegri þróun í notkun flugvéla, t.d. þota. Hins vegar er þessi endurgreiðsluheimild háð því skilyrði, að viðhlítandi breytingar á innheimtu lendingargjalda verði gerðar, en þar mun vera ósamræmi á, sem talið er eðlilegt að leiðrétt verði, um leið og endurgreiðsla yrði heimiluð á eldsneytistolli undir þessum kringumstæðum.
Þá er lagt til í nr. 54, að tekin verði upp heimild til að endurgreiða mismun á gjöldum innfluttra bifreiða, sem eftir innflutning verður breytt í slökkvibifreiðar, þannig að það verði innheimtur 15% tollur af þeim bifreiðum, eins og af slökkvibifreiðum.
Í nr. 55 er lagt til, að tekin verði upp heimild til þess, að lækka gjöld af hráefni til sælgætisframleiðslu, hálfu ári áður en innflutningur sælgætis hefst.
Þá er á þskj. 246 gert ráð fyrir, að á eftir 19. tölulið 3. gr. komi inn nýr liður, sem yrði 20. liður, svo hljóðandi: „Að fella niður gjöld af bókum á íslenzku, prentuðum erlendis, enda séu bækurnar gerðar í samvinnu við erlenda aðila og verði ekki gerðar hér á landi á viðhlítandi hátt.“ Hingað til hefur verið í gildi heimild til endurgreiðslu undir svipuðum kringumstæðum, en með öðrum skilyrðum en hér. Heimildarákvæðið er nú tekið inn aftur, þó með breyttu orðalagi og þá sérstaklega gert ráð fyrir því, að sú prentun, sem hér er um að ræða, verði ekki gerð hér á landi með viðhlítandi hætti. Þá er lagt til á þskj. 246 að 28. liður 3. gr. breytist þannig, að í staðinn fyrir orðið 500 þús. komi ein millj., en aftan við töluliðinn bætist nýr málsliður, svo hljóðandi: „Sé um að ræða viðgerð, er nemur ekki þeirri fjárhæð, en er þó hærri en 100 þús. kr., er heimilt að ákveða ákveðið hlutfall af sannanlegum efniskostnaði sem endurgreiðslu tolla af viðgerðinni.“ Hér er verið að lækka það mark, sem heimilar endurgreiðslu, úr 500 þús. í 100 þús. kr. Hins vegar er þetta gert með þeim hætti, að endurgreiðsluheimildin og endurgreiðslan getur átt sér stað með liðlegri og þægilegri hætti heldur en verið hefur.
Við 3. gr. eru ekki fleiri brtt. Hins vegar var á það bent, að inn þyrfti að taka heimild til endurgreiðslu af vélum til framleiðslu á umbúðum vegna útflutnings, en sá er skilningur tollskrárn. og ég held ráðh. líka, að í 22. tölulið 3. gr. felist þetta ákvæði, því þegar betur er að gáð, þá er það ótvírætt þar sem stendur: „Að fella niður eða endurgreiða gjöld af vélum, sem eingöngu eru notaðar til framleiðslu á vörum í nýjum útflutningsiðngreinum, eða til framleiðslu á ótollvernduðum vörum.“ Heimildin felst í þessu.
Við 4. gr. er brtt. á þskj. 236 um að orðin: „og vörurnar séu . . . til sölu þar“ í niðurlagi gr. falli niður, þ.e. að gr. endi á þessum orðum: „enda geti sá hluti að vinnslunnar ekki farið fram hér á landi.“
Þá er gerð sú brtt. á þskj. 236, að 17. gr. falli niður og að gr. talan breytist samkvæmt því.
Þegar n. hafði frv. þetta til meðferðar, þá barst henni m.a. erindi frá félagi ökukennara, þar sem þeir bentu á þá heimild, sem veitt er í 3. gr., til lækkunar á tollum eða endurgreiðslu á tollum til bifreiðastjóra, sem hafa akstur leigubifreiða að aðalstarfi. Þótti þá ekki ástæða til þess, að taka upp neina sérstaka gr. í því sambandi, þar sem það er skilningur tollskrárn. og hæstv. fjmrh., að þessari endurgreiðsluheimild geti ráðh. beitt varðandi bifreiðar til handa ökukennurum, með sama hætti og hann hefur beitt lækkun á innflutningsgjöldum hingað til. N. hafa borizt fleiri erindi, síðan hún lauk afgreiðslu málsins. Þau erindi munu athuguð á milli umr. Ég sé ekki ástæðu til þess að fjölyrða meira um frv. og þær brtt., sem ég legg fram á þessum tveim þskj., og legg til, fyrir hönd meiri hl., að frv. verði samþ. til 3. umr. með þeim breytingum, sem lagt er til að gerðar verði á því.