19.12.1972
Neðri deild: 30. fundur, 93. löggjafarþing.
Sjá dálk 1489 í B-deild Alþingistíðinda. (1079)

95. mál, almannatryggingar

Forseti (GilsG):

Ég vil í tilefni af því, að hv. 10. þm. Reykv. hefur lagt hér fram brtt., sem er stíluð sem brtt. við þá brtt., sem hæstv. trmrh. hefur dregið til baka til 3. umr., spyrja hv. 10. þm. Reykv., hvort hann gæti ekki fallizt á þá málsmeðferð, að þessari till. hans, sem nú hefur verið lögð fram, verði vísað til n., sem ætlar að taka málið í heild til meðferðar milli umr., þannig að ekki þurfi að koma til atkvgr. um þessa till. nú? (PS: Sjálfsagt) Ég tel það eðlilega málsmeðferð, ekki sízt með tilliti til þess, að ég geri mér vonir um, eftir því sem ég hef frétt, að fullt samkomulag kunni að geta orðið um meðferð þessa máls.

Hv. þm. hefur orðið við þeim tilmælum, og er þá þessi skrifl. brtt. dregin til baka til 3. umr. með þeim ummælum, að n. taki hana einnig til athugunar. (Gripið fram í.) Ég tel, að það sé eðlilegust málsmeðferð, að þetta mál verði nú athugað milli umr., og tel mjög æskilegt, að hv. n. geti lokið störfum sínum þannig, að hægt sé að taka málið til meðferðar á þingfundi á morgun á venjulegum tíma.