26.11.1973
Neðri deild: 29. fundur, 94. löggjafarþing.
Sjá dálk 874 í B-deild Alþingistíðinda. (752)
Varamaður tekur þingsæti
Forseti (Gils Guðmundsson) :
Mér hefur borist svo hljóðandi bréf:
„Reykjavík, 23. nóv. 1973.
Þar sem ég er á förum til útlanda í opinberum erindum og mun því ekki geta sótt þingfundi á næstunni, leyfi ég mér að biðja um fjarvistarleyfi og með skírskotun til 138. gr. l. um kosningar til Alþingis að óska þess, að vegna forfalla 1. varamanns Alþb. í Vesturl. taki 2. varamaður, Bjarnfríður Leósdóttir húsfrú á Akranesi, sæti á Alþ. í fjarveru minni.
Jónas Árnason,
5. þm. Vesturl.“
Einnig hefur mér borist svo hljóðandi bréf :
„Staddur í Reykjavík, 21. nóv. 1973.
Vegna sérstakra anna get ég ekki tekið sæti Jónasar Árnasonar, 5. þm. Vesturl., á Alþ. nú á næstunni.
Skúli Alexandersson.“
Bjarnfríður Leósdóttir hefur áður tekið sæti á Alþ. á þessu kjörtímabili, og hefur rannsókn kjörbréfs hennar farið fram.