19.04.1977
Sameinað þing: 76. fundur, 98. löggjafarþing.
Sjá dálk 3303 í B-deild Alþingistíðinda. (2337)
202. mál, sykurhreinsunarstöð
Fyrirspyrjandi (Þórarinn Sigurjónsson):
Herra forseti. Ég hef leyft mér að bera fram fsp. til iðnrh. á þskj. 404 um sykurhreinsunarstöð. Á síðasta þingi var samþykkt þáltill. sem ég flutti á því þingi um hagkvæmni þess að reisa og reka hér á landi sykurhreinsunarstöð. Er nú liðið eitt ár síðan þessi þal. var samþ. á þinginu, og eins og þá kom fram var málið rætt í n. og lagt til að það yrði athugað enn frekar, og gaf ýmislegt tilefni til þess að athuga gaumgæfilega hagkvæmni þess að flytja þennan iðnað inn í landið og fullhreinsa innanlands sykurinn sem notaður er innanlands. Vil ég því beina þeirri fsp. til iðnrh., hvað þessu máli líði og þeirri athugun sem hér um ræðir.
