29.04.1977
Efri deild: 75. fundur, 98. löggjafarþing.
Sjá dálk 3992 í B-deild Alþingistíðinda. (2972)
194. mál, atvinnuleysistryggingar
Frsm. minni hl. (Helgi F. Seljan):
Herra forseti. Aðeins vegna þeirrar ánægju að sjá hæstv. ráðh. koma hér inn í d. til okkar og í von um að hann geti gefið einhver svör þar við, þá bar ég fram þá fyrirspurn áðan og vildi gjarnan að hann svaraði, á hvern hátt ríkisstj. hygðist koma þessu ákvæði í framkvæmd. Þá á ég ekki við að þetta er ný samþykkt, heldur að hér er um að ræða ítrekað ákvæði, ákvæði sem áður hefur verið í lögum, og hlýtur að hafa verið hugað að áður á hvern hátt mætti framkvæma. En auðvitað geri ég þetta alveg sérstaklega vegna þess, að þetta ákvæði var sett inn í frv. af tveimur óbreyttum framsóknarþm. í Nd., eflaust í samráði við hæstv. ráðh. þó. Ég vildi sem sagt vita hvort ráðh. hefði þar gefið einhverja yfirlýsingu um það, hvernig þetta væri hugsað, og þá fengjum við sams konar yfirlýsingu hér, m. a. til að friða samvisku okkar nokkurra þm. hér í deildinni.