02.05.1977
Neðri deild: 85. fundur, 98. löggjafarþing.
Sjá dálk 4160 í B-deild Alþingistíðinda. (3204)
21. mál, leiklistarlög
Forseti (Magnús T. Ólafsson) Áður en atkv. verða greidd vil ég í örfáum orðum taka afstöðu til þess sem hæstv. ráðh. beindi til mín um orðalag á liðnum, sem auðkenndist með rómverskum I í 4. gr., þar sem segir að hlutverk leiklistarráðs sé „að vera vettvangur skoðanaskipta og umræðna um leiklistarmál og stuðla að stefnumótun á því sviði á hverjum tíma“. Skoðun mín á þessu orðalagi:
„vettvangur skoðanaskipta og umræðna“, er að orðin „vettvangur skoðanaskipta og“ geti vel misst sig án þess að merking breytist. Ég sé ekki hvernig vettvangur umræðna getur átt sér stað án þess að þar sé skipst á skoðunum og þar séu uppi mismunandi skoðanir alveg sér í lagi þar sem í hlut á leikhúsfólk.