Janúarfundir Norðurlandaráðs
Janúarfundir Norðurlandaráðs eru haldnir í Kaupmannahöfn 26.-27. janúar 2010.
Fyrir hönd Íslandsdeildar Norðurlandaráðs taka þátt í fundunum Helgi Hjörvar formaður, Guðfríður Lilja Grétarsdóttir varaformaður, Siv Friðleifsdóttir, Illugi Gunnarsson, Sigríður Ingibjörg Ingadóttir og Ásmundur Einar Daðason.
Á fundunum verður m.a. fjallað um jafnrétti á Norðurlöndum, formennskuáætlun Dana í Norrænu ráðherranefndinni 2010 og formennskuáætlun Íslendinga í Norðurlandaráði 2010.
Ísland fer með formennsku í Norðurlandaráði 2010. Forseti ráðsins er Helgi Hjörvar og varaforseti Illugi Gunnarsson.
