Forseti Alþingis í opinberri heimsókn í Liechtenstein
Einar K. Guðfinnsson, forseti Alþingis, er í opinberri heimsókn í Liechtenstein 27. október í boði Alberts Frick, forseta þjóðþings landsins. Forseti Alþingis sótti þingið heim í morgun og átti fund með þingforseta.
Ræddu þeir meðal annars samstarf þjóðþings Liechtenstein og Alþingis á vettvangi EES samstarfsins og á reglubundnum fundum þingforseta evrópskra smáríkja. Þá átti forseti Alþingis fund með utanríkisráðherra Liechtenstein, Aureliu Frick. Ræddu þau samvinnu þjóðanna á vettvangi Evrópska efnahagssvæðisins, stöðu þess og framtíð.