Forseti þjóðþings Sviss í heimsókn í Alþingi
Unnur Brá Konráðsdóttir, forseti Alþingis, átti í dag fund með svissneskum starfsbróður sínum, Jürg Stahl, forseta neðri deildar svissneska þingsins. Þau ræddu meðal annars tvíhliða samskipti þjóðþinganna og samstarf á vettvangi Fríverslunarsamtaka Evrópu, EFTA. Forseti þjóðþings Sviss mun síðar í dag hitta sérfræðinga utanríkisráðuneytis í málefnum EFTA að máli og heimsækja hr. Guðna Th. Jóhannesson, forseta Íslands, á Bessastaði. Þá mun hr. Stahl eiga fund með alþingismönnum í Íslandsdeild þingmannanefnda EFTA og EES.
