Fundur Þingmannanefndar EFTA 26.-27. júní
Dagana 26.-27. júní mun Þingmannanefnd EFTA koma saman á Egilsstöðum í tengslum við ráðherrafund EFTA sem þar er nú haldinn. Auk fundar þingmannanefndarinnar mun nefndin eiga fundi með ráðherrum og ráðgjafanefnd EFTA.
Helstu mál fundanna eru þróun EES-samningsins í ljósi stækkunar ESB, fríverslunarsamningar EFTA, gildistaka nýs stofnsamnings EFTA og þróun Evrópumála í einstökum þjóðþingum.
Fyrir hönd Íslandsdeildar Þingmannanefndar EFTA munu sitja fundina þau Vilhjálmur Egilsson, Kristinn H. Gunnarsson, Össur Skarphéðinsson, Þorgerður Katrín Gunnarsdóttir og Kolbrún Halldórsdóttir.